काठमाडौं,१४ भदौ ।
ओखलढुङ्गााको माङ्खा गााविसमा गएराति झरेको पहिरोमा परि २ जनाको मुत्यु भएको छ ।माम्खा ८ का ६८ बर्षीया अविराज दाहाल र उनकी ६७ बर्षीया श्रीमति हर्कमाया दाहालको मुत्यु भएको हो ।
बाढीले बगाएर ठोट्ने खोलामा पुर्याएको अवस्थामा शब भेटीएको जिल्ला प्रहरी कार्यालय ओखलढुङ्गााका प्रहरी निरिक्षक बैद्यनाथ यादवले जानकारी दिनुभयो ।
सोलुखुम्बुको नेचा गाविससंगै जोडिएको माङ्खा गाविसका ८ र ९ नम्बर वडाहरुमा पर्ने गैरीसोलागा हुदै ठोट्ने खोलामा आएको बाढिले ठुलो क्षति पु¥याएको छ ।
आइतबार राति परेको अविरल वर्षा र बाढीका कारण माक्खामा पाँचओटा पुल र पाँचओटा लघु जलविद्युत् आयोजना ध्वस्त भएका छन् । बाढीले ठोट्ने खोला किनारबाट करिब २ सय मिटर आसपासका भौतिक संरचना ध्वस्त भएका छन् ।
बाढीले ओडाहारे लघु जलविद्युत आयोजना, पहिरे लघुजलद्यिुत् आयोजना, चामल लघु जलविद्युत् आयोजना, रुम्जाटार सानो जलविद्युत् आयोजना र कलिबेली ओडाहारे लघु जलविद्युत् आयोजना पूर्ण रुपमा नष्ट भएका छन् ।
उद्धारका लागि प्रहरीको घटनास्थलमा पुगेको छ । बाढिले ठोट्ने खोल लघु जलविद्युत आयोजना तथा ठोट्ने खोलमा रहेका आधा दर्जन झुलुङ्गे पुल र हालै सम्पन्न भएको माङ्खा र रुम्जाटार जोड्ने पक्की पुल समेत बगाएको छ ।
