तपाई दिनमा सुत्ने गर्नुहुन्छ ? यहि कारण तपाई तनावमा हुनुहुन्छ भने अब चिन्ता लिनु पर्दैन ।
दिनमा सुत्नाले आराम महशुस मात्र गर्नुहुनेछैन तपाई उच्च रक्तचाप (ब्लडप्रेसर) र भविश्यमा हुन सक्ने हृदयघात बाट समेत सुरक्षीत रहनुहुनेछ ।
एजेन्सको आस्कलेपियन जनरल हस्पिटलका शोधकर्ताले गरेको अनुसन्धानका क्रममा दिनमा सुत्ने मानिसलाई तत्काल शरिरमा स्फुर्ति आउनुका साथै भविश्यमा पनि हृदयघात नहुने तथ्य फेला परेको जनाएका छन् ।
हालै युरोपियन सोसाइटि अफ कार्डियोलोजी सम्मेलनमा प्रस्तुत गरिएको सो शोधपत्रमा हृदयघात कम गर्न दिनमा केहि समय आरमसँग सुत्न पर्ने सुझाव सिहितको रिपोर्ट प्रस्तुत गरिएको थियो ।
हरेक साल हुने कार्डियोलोजी सम्मेलनमा ४ सय जना पुरुष÷महिलामा गरिएको अनुसन्धानका क्रममा उनीहरुको आयु वर्ग भने ६१ रहेको देखाईएको छ ।
भविश्यमा उच्च रत्तचापहुन सक्ने गुनासो गरेका ब्यत्तिहरुलाई सो अनुसन्धानका क्रममा सामेल गराईएको थियो ।
ती मध्ये जो दिनको दुई बजे पछि एक्कैछिन आखा चिम्लिएर आराम गर्ने गरेका थिए तीनिहरुमा उच्च रत्तचाप पांच प्रतिशतले कमी भएको पाईएको रिपोर्टमा उल्लेख छ ।
जसले एक घण्टा सुतेका थिए ,उनीहरुमा भने अझै राम्रौ पाईयो ।
मुख्य अनुसन्धानकर्ता डाँ मनोलिस कैलिसस्ट्राटोसले सम्मेलनमा बोल्दै भने ,हामिले बितेको समयबाट पनि केहि सिक्नु पर्छ ,युनाईटेड किंगडमका दुई प्रधानमन्त्री विंस्टन चर्चिल
र मार्गरेट थेचर जो दुई बजेपछि सधै सुत्ने गर्थे ।
चर्चिल बिहानको खाना खाएपछि र थेचर दुई बजे पछि तीन बजेसम्म एक घण्टा सधै सुत्ने गर्दथे ।
उनले अहिलेको परिवर्तीत जीवनशैलिका अनुसार मानिसहरु बिहान पाँच देखि बेलुकी पाचँ सम्म नै काम गर्ने र दिनमा आराम नगर्ने गरेका कारण उच्च रत्तचाप बढ्दै गएको धारणा राखे ।
ब्यस्त जीवनशैलीका कारण अहिले मानिस चाहेर पनि दिनमा सुत्न नसकेको उनको भनाई छ ।
साथै अनुसन्धाममा उच्च रत्तचाप भएकाहरुले पनि दिनमा चार कप भन्दा धेरै बढि कफी पिउनाले हृदयघातको सिकार बन्न सक्ने देखाएको छ ।
