काठमाडौ १४ भदौ ।
प्रदेशको सिमांकन लगायत विभिन्न माग राख्दै विभिन्न दल तथा समुहले आह्वान गरेको बन्दका कारण तराईका बिभिन्न जिल्लाको जनजीवन दिनप्रतिदिन कष्टकर बन्दै गएको छ ।
बन्दका कारण सहज रुपमा सवारी साधन सन्चालनमा आउन नसक्दा एक ठाउ बाट अर्को ठाउमा जाने यात्रुहरुलाई सास्ती परेको छ भने धेरै ठाउँमा दैनिक उपभोग्य वस्तुको अभाव हुन थालेको छ ।
विद्यालय खुल्न नसक्दा विद्यार्थीको पठन पाठन प्रभावित बनेको छ । पूर्वी तराईका मोरङ, सुनसरी, सिरहा, सप्तरी, धनुषा, रौतहट, महोत्तरी, बारा, पर्सा लगायत पश्चिम तराईका बाँके, वर्दियामा बन्दको बढी प्रभाव देखिएको छ ।
उता कैलालीको टीकापुरमा एक साता देखिकोे कफ्र्यु जारी रहँदा जनजीवन असहज बन्दै गएको छ । स्थानीय बासिन्दा घर भित्र बन्दी झै थुनिएर बस्न बाध्य छन् ।
चाडपर्व नजिकिंदै गर्दा भैरहेको बन्द, हडताल र कर्फ्युका कारण दैनिक उपभोग्य सामान पर्याप्त ढुवानी हुन सकेको छैन ।
यता सरकारले अभाव हुन नदिन सुरक्षा सहित ढुवानी गर्ने व्यवस्था मिलाएको जनाएको छ । प्रहरीको सुरक्षामा मालबाहक गाडी गुडिरहेकाले अत्यवाश्यक सामानको अभाव नहुने सरकारको दावी छ ।
