काठमाडौं, ११ भदौ ।
प्रदेश सिमांकन सहितको विरोधमा संयुक्त मधेसी मोर्चाले गरेको बन्दका कारण मोरङ–सुनसरी ओद्यौगिक करिडोर क्षेत्रका एक लाखभन्दा बढी मजदुर बेरोजगार भएका छन् ।
उद्योग सङ्गठन मोरङका अनुसार मोरङ–सुनसरी औद्योगिक करिडोरमा बन्दकर्ताले उद्योगधन्दा सञ्चालन गर्न नदिएपछि करिब पाँच सय उद्योगमा कार्यरत मजदुर बेरोजगार भएका हुन् ।
दैनिक ज्यालादारीमा काम गर्ने मजदुरलाई समेत दैनिक गुजारा टार्न समस्या पर्न थालेको औद्योगिक मजदुरहरुको दुखेसो छ ।
त्यस्तै मासिक तलव भत्तामा काम गर्ने कामदारहरु समेत उद्योग धन्दा सञ्चालन नहुदा दैनिकी चदाउन मस्किल परेको उनिहरुले बताएका छन ।
उत्पादन भएका वस्तु निर्यात गर्नसम्म नपाएको, भारतबाट आयात गरिएको वस्तु यातायात बन्दले गर्दा भन्सार नाकामै थन्किएर बसेका छन् ।
मजदुर–कर्मचारीको तलब, बैंकको ब्याज, भन्सारको ड्यारेज शुल्क, विद्युत्लगायत जोड्दा दैनिक रु १५ करोड नोक्सानी बेहोरिरहेको मोरङ व्यापार सङ्घले जनाएको छ ।
