काठमाडौं, १० भदौ ।
भारतबाट प्याजको आयात कम भएपछि प्याजको भाउ सिरहा, लाहान, गोलबजार, मिर्चैया बजार लगायत सिरहा जिल्लाको विभिन्न बजारहरुमा प्याजको मूल्य बढेको छ ।
प्याजको भाउ प्रति के.जी .१ सय रुपैयाँ थोक मूल्य पुगेको छ । यो मूल्य यस वर्षको अहिले सम्मकै उच्च भएको फलफूल तथा तरकारी बजार विकास समितिले जनाएको छ ।
तराईका जिल्लामा आन्दोलनका कारण बजार बन्द भैरहेकाले प्याजको आयात ठप्प भएको छ । ढुवानी नहुँदा र बजारमा माग अनुसारको प्याज नभित्रिएकोले प्याजको मूल्यमा वृद्धि भएको हो ।
प्याजका लागि भारतकै भर पर्नुपर्ने बाध्यता भएकोले भाउ अझै बढ्ने अनुमान गरिएको छ ।
यो वर्षको सुरुमा किलोको ३७ देखि ३८ रुपैयाँ थोक मूल्य रहेको प्याजको भाउ वर्षा लागेपछि बढेर किलोको ७० देखि ७५ रुपैयाँ पुग्यो ।
त्यसपछि फेरि घटेर किलोको ६७ देखि ६८ रुपैयाँ थोक मूल्यमा झरेको भाउ ह्वात्तै बढेर सय रुपैयाँ पुगेको छ ।
