काठमाडौं, १० भदौ ।
तराई क्षेत्रमा भईरहेका आन्दोलनका वहानामा व्यवसायीहरुले इन्धन लुकाउको पाइएपछि बाणिज्य विभागले आजबाट पेट्रोल पम्पहरुमा अनुगमन सुरु गर्दे छ
।
लगातार पेट्रोलीयम पदार्थको आपुर्ति भइरहेको भएपनि बजारमा भने कालोबजारी भएपछि विभागले आयल निगम र स्थानीय प्रशासनको सहयोगमा अनुगमन गर्न लागेको हो ।
नियमित आपुर्ति हुदा हुदै समेत हिजो र अस्ति बजारमा पेट्रोलीयम पदार्थको हाहाकार भएको थियो ।
बजारमा पेट्रोलीयम पदार्थ लुकाएर राखिएको आशंकामा अनुगमन गर्न लागिएको बाणिज्य तथा आपुर्ति व्यवस्थापन विभागले जनाएको छ ।
बजारमा आपूर्ति भैसकेको इन्धन बिक्री नगर्नेलाई ठाउँको ठाउँ कारबाही गरिने विभागका निर्देशक हरिनारायण बेल्वासेले जानकारी दिनुभयो ।
आपूर्ति नियमित भैरहेकाले अभाव नहुने नेपाल आयल निगमले जनाएको छ । सरकारले आवश्यकता भन्दा बढी इन्धन खरिद नगर्न समेत आग्रह गरेको छ ।
