काठमाडौं,८ भदौ ।
हिजो झडप भएको कैलालीकोे टिकापुर क्षेत्रको स्थिती अहिले सामान्य बनेको छ । थारुहट पक्षधर र प्रहरीबीच हिजो दिउसो भएको झडपमा अन्चल प्रहरी प्रमुख सहित ८ जनाको मृत्यु भएपछि स्थिति तनावग्रस्त बनेको थियो ।
वरिष्ठ प्रहरी अधिकारीको मृत्युपछि त्रसित बनेको कैलालीमा सरकारले हिजै दंगाग्रस्त क्षेत्र समेत घोषणा गरेको थियो । उक्त क्षेत्रमा सम्भावित घट्नालाइ ध्यानमा राखि आज बिहानैदेखि ठुलो संख्यामा रहेको नेपाली सेनाले गस्ती थालेको छ ।
टिकापूर बजार क्षेत्र अहिले सुनसान रहेको बताइएको छ । झडपमा घाईते भएका २२ प्रहरी मध्ये २ जनाको अवस्था गम्भीर रहेको र थप उपचारका लागि नेपालगञ्ज ल्याइएको छ ।
प्रदर्शनकारीले निषेधित क्षेत्र तोड्ने क्रममा हिजो थरुहटका कार्यकर्ता र प्रहरीबीच झडप भएको थियो । टिकापुर र दुर्गौली आसपासका क्षेत्रमा हिजोबाट नै कफ्र्यु लगाइएको छ ।
यसैबीच टिकापुर बजार क्षेत्रमा हिजो राति नै करिब १ दर्जन पसल र एउटा घरमा अज्ञात समुहले आगो लगाएको छ । बजार क्षेत्रका साना पसल र स्थानीय शिब नारायण चौधरीको तिनतले घरमा आगो लगाइएको हो
