काठमाण्डौ,६ भदौ ।
आदिबासी जनजातीको बन्दको प्रभाब सेयर बजारमा देखिएको छ ।
लगातार उच्च अकंले बढ्दै आएको नेप्से सूचक साताको पहिलो दिन आज १६ अंकले घटेर ११८४ अंकमा झरेको छ । बीमा समूहको बाहेक सबै समुहगत उपसूचकहरु घटेका छन ।
वाणिज्य बैंक समूहको सूचक २० अंकले घटेको छ । यो समूहको मात्रै ३१ करोड रुपैयाँ बराबरको कारोबार भएको छ । त्यसैगरी, होटल समूहको ५१ अंकले, अन्य समूहको २९ अंकले, विकास बैंक समुहको ३ अंकले, जलविद्युत समुहको ९ अंकले र वित्त कम्पनी समूहको सूचक २ अंकले बढेको छ ।
यो दिन नेपाल स्टक एक्सचेञ्जमा १ सय ४१ कम्पनीका १७ लाख कित्ता सेयर ५८ करोड ३१ लख रुपैयाँमा किनबेच भए । राष्ट्र बैंकले बैंक तथा वित्तीय संस्थाको चुक्ता पुँजी चार गुणाले बढाउने मौद्रिक नीति ल्याएयता नेप्से इन्डेक्स लगातार बढेको थियो ।
मौद्रिक नीति आएको दिन साउन ७ गते साढे ९ सय रहेको सूचक बिहीबार हालसम्मकै उच्च अर्थात १२०० अंकमा पुगेको थियो । यसअघि ०६५ भदौ १५ गते ११७५ पुगेर नेप्सेले रेकर्ड कायम गरेको थियो ।
