काठमाडौं, ६ भदौ ।
नेपाल राष्ट्र बैंकले पहिलोपटक गत आर्थिक वर्ष २०७१÷७२ को आयात निर्यात मूल्य सूचकाङ्क सार्वजानिक गरेको छ ।
केन्द्रिय बैंकले जारी गरेको गत आर्थिक बर्षको स्थितिसम्बन्धी प्रतिवेदनमा हालको निर्यात मूल्य सूचकाङ्क ११ दशमलव ५ प्रतिशतले बढेको उल्लेख छ ।
अघिल्लो आवमा यस्तो सूचकाङ्क १२ दशमलव ४ प्रतिशतले बढेको थियो । त्यस्तै, निर्यात मूल्य सूचकाङ्क १ प्रतिशत घटेको छ ।
अघिल्लो वर्ष यो ८ दशलव ६ प्रतिशत बढेको थियो । यी दुइ मूल्य सूचकाङ्कको अनुपात १२ दशमलव ६ प्रतिशत सुधारिएको छ । अघिल्लो वर्ष यसमा ३ दशमलव ४ प्रतिशत मात्र सुधार भएको थियो ।
आव २०७१र७२ मा शोधानान्तर बचत हालसम्मकै उच्च १ खर्ब ४४ अर्ब ८५ करोड रुपैयाँ भएको छ ।
व्यापार घाटाको वृद्धिदर खुम्चिएको र वैदेशिक रोजगारीमा गएका कामदारले पठाउने विप्रेषण आय १३ प्रतिशतले बढेका कारण शोधानान्तर बचत उच्च देखिएको छ ।
