सप्तरी, ५ भदौ ।
सप्तरीको भारदह–पोर्ताहा सडक खण्डमा आ बन्दको अवज्ञा गरेको भन्दै बिहान बन्दकर्ताले दुई वटा मालबाहक ट्रकमा आगजनी गरेका छन् ।
पूर्व–पश्चिम राजमार्ग अन्तर्गत भारदह–पोर्ताहा सडक खण्डमा नै एउटा यात्रु गाडीमाथि तोडफोड पनि गरेका छन् ।
बन्दकर्ताले तोडफोड गर्न थालेपछि बस अनियन्त्रित भएर पल्टिँदा १४ जना घाइते भएको प्रहरीले जनाएको छ ।
बन्दको अबज्ञा गरेको भन्दै बन्दकर्ताले पोर्ताहा–५ को सडकमा पश्चिमबाट पूर्व पश्चिमका लागि छुटेको ना ३ ख ७३०० नम्बरको मालबाहक ट्रकमा आगजनी गरेका हुन् । आगजनीका कारण ट्रक पुर्ण रुपमै क्षतिग्रस्त भएको छ ।
यसैगरी भारदह–१ स्थित सडक खण्डमा बन्दकर्ताले पूर्वबाट पश्चिमका लागि छुटेको को १ ख ३३८९ नम्बरको मिनि ट्रकमा समेत आगजनी गरेका छन् ।
पुर्वका लागि छुटेको ना ४ ख ४२६६ नम्बरको यात्रु बसमा बन्दकर्ताले तोडफोड गरेका छन् ।
