काठमाडौं, ४ भदौ ।
रातभरीको अविरल वर्षाका कारण देशका विभिन्न नदी तथा खोलामा बाढी आएको छ ।
काठमाडौंमा बागमती नदीमा राति २ बजेदेखि आएको बाढी सुकुम्बासी बस्तीमा पसेपछि नदी किनार आसपासका करिब ३५ परिवार विस्थापित भएका छन् ।
उता बबई नदीमा पनि पानीको बहाव बढ्दै गएको छ । पानीको बहाव बढिरहेकाले सतर्क रहन र आफ्ना सामान सुरक्षित तरिकाले राख्न नदी आसपासका बासिन्दालाई जिल्ला प्रशासन कार्यालयले आग्रह गरेको छ ।
रातभर ठूलो पानी परेकाले देशका अरु नदी तथा खोलामा पनि बाढी आउनसक्ने जल तथा मौसम पूर्वानुमान महाशाखाले जनाएको छ ।
काठमाडौं उपत्यका सहित पूर्वी र मध्य क्षेत्रमा ठूलो वर्षा भएको छ भने मध्यपश्चिम र सुदूरपश्चिमका केही ठाउँमा पनि पानी परेको छ।
आज पनि ठूलो पानी पर्ने अनुमान गरिएकाले नदी आसपास र पहिरोको खतरा भएका ठाउँमा बासिन्दालाई सतर्क रहन मौसमविदले आग्रह गरेका छन् ।
भोलि पनि पानी पर्ने र पर्सिदेखि मौसममा केहि सुधार आउने मौसमविद् समिर श्रेष्ठलको भनाई
