काठमाडौं, ३० साउन ।
सेती प्राबिधिक शिक्षालय दिपायलमा अनमी छात्रवृत्तिको परीक्षा दिन हिडेकी एक युवतीमाथि बलात्कारको प्रयास भएको छ ।
बझाङबाट आफ्ना बाबुसँगै दिपायल आउने क्रममा दिपायल सिलगढी नगरपालिकाको एम्बुलेन्सका चालक रामबहादुर खड्काले बलत्कारको प्रयास गरेको भन्दै पीडित १९ वर्षे युवतीले प्रहरीमा उजुरी गरेकी छिन् ।
बस चढेर बझाङबाट डडेल्धुराको स्याउलेसम्म राती १२ बजे आइपुगेपछि बाबु छोरीलाई बस स्याउलेमै रोकिने भएपछि प्रहरीले दिपायल जाँदै गरेको एम्बुलेन्समा दिपायल पठाएका थिए ।
बिच बाटोमा पुगेपछि एम्बुलेन्स बिग्रेको भन्दै बाबुलाई बाहिर निस्केर हेर्न चालक खड्काले आग्रह गरेका थिए । बाबु बाहिर निस्कको मौका छोपि युवतीलाई एम्बुलेन्समा थुनेर चालक खड्काले केहि अघि पुगेर एम्बुलेन्स रोक बलात्कारको प्रयास गरेका थिए ।
आफुले प्रतिकार गरि आधा घन्टा कुदेपछि बाबुसँग भेट भएको र आफू जोगिएको युवतीले बताईन् । बिहान दिपायली आएकी युवतीले ८ बजेदेख सुरु भएको परीक्षा सकेपछि प्रहरीमा गएर उजुरी दिएकी हुन् ।
बलात्कार गर्न खोजेको आरोप लागेका चालक खड्का भने नगपालिकामा एम्बुलेन्स राखेर राती नै फरार भएको नगरपालिकाका सामाजिक बिकास अधिकृत रमेश जोशीले बताउनु भयो ।
