काठमाडौ, २९ साउन ।
गत वैशाख १२ को विनाशकारी भूकम्पबाट बढी प्रभावित १४ जिल्लामा सरकारले भोलिदेखि दादुरा–रुबेला बिरुद्धको खोप अभियान संचालन गर्दैछ ।
भूकम्पमा कारण स्थगित भएको अभियान भोलिदेखि पुनः संचालन गर्न लागिएको इपिडिमियोलोजी तथा रोग नियन्त्रण महाशाखाले जनाएको छ ।
दादुरासँगै खतराको रुपमा देखा परेको रुबेलाको रोकथामका लागि दादुरा–रुबेला खोप अभियान सन्चालन गर्न लागेको महाशाखाका निर्देशक डाक्टर बाबुराम मरासिनीले जानकारी दिनुभयो । खोप दिन छुटेपछि फेरि विरामी संख्य बढेकाले अभियान चलाउन लागिएको मरासिनीको भनाई छ ।
पहिलो चरणमा भोलिदेखि तीन दिन र दोस्रो चरणमा भदौ १४ देखि १९ गतेसम्म खोप सेवा सञ्चालन गरिने महाशाखाले जनाएको छ । दादुरा रोकथामका लागि लगाइएको खोपका कारण बालमृत्युदर सङ्ख्या २५ प्रतिशत न्यून भएको तथ्याङ्कले देखाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
