काठमाण्डौ,२८ साउन ।
ललितपुर जिल्लामा संचालित २३ ओटा पानी उद्योग बन्द भएका छन ।
जिल्ला बिकास समिती ललितपुरले यही साउन २० गतेदेखि लतितपुरका पानी उद्योगबाट उत्पादित प्रतिजार पानीमा ४ रुपैया ५२ पैसाका दरले कर लागु गरेपछि ब्यापारीहरुले उद्योग बन्द गराएका हुन् ।
जि.वि.स.ले आफुखुसि कर लगाएपछि उद्योगहरु घाटामा सञ्चालन गर्न नसकिएकाले उद्योगहरु बन्द गर्नुपरेको सक्षम फुड एण्ड वेभरेज प्रालिका सञ्चालक शुनिल भण्डारीले बताउनुभयो ।
उहाँले उपत्यकाका काठमाण्डौ, भक्तपुर बाहेक ललितपुरका उद्योगहरुबाट उत्पादित पानीमा मात्रै कर लगाएकोमा आपत्ति पनी जनाउनुभयो । सरकारले पानीमा लगाएको करप्रणालीलाई फिर्ता नलिएसम्म उद्योगहरु सञ्चालन नहुने भण्डारीको भनाई छ ।
सञ्चालित पानी उद्योगहरु बन्द भएपछी बिशेषगरी त्यस क्षेत्रका उपभोक्ताहरुलाई सहज पानी उपभोग गर्न समस्या भएको छ ।
