काठमाण्डौ, २७ साउन ।
६ प्रदेशको सिमांकनमा भएको सहमतिसहित सम्वाद समितिले पेस गरेको प्रतिवेदनलाई संविधानसभाले पारित गरेको छ ।
प्रतिवेदनमाथि छलफल सकिएपछि आजको बैठकले यसलाई पारित गरेको हो । यसलाई मस्यौदा समितिमा पठाइएको छ । कृष्णप्रसाद सिटौला नेतृत्वको मस्यौदा समितिले जनताका सुझावलाई समेटेर तयार गरेको प्रतिवेदनका आधारमा मस्यौदामा परिमार्जन गर्नेछ ।
मस्यौदा समितिलाई पााच दिनको समय दिइएको छ । साउन मसान्तभित्रै संविधानको अन्तिम मस्यौदा तयार हुनेछ । त्यसपछि त्यसलाई विधेयकका रुपमा संविधानसभामा प्रवेश गराइने छ । मस्यौदा समितिले आजैदेखि काम थालेको छ । संशोधन र दफावार छलफलको प्रकियालाई केही छोट्टाएर भदौंको मध्यसम्ममा संविधान जारी गर्ने तयारीअनुरुप काम थालिएको सभाध्यक्ष सुवास नेम्वाङले बताउनुभएको छ ।
मस्यौदा समितिले जनताका सुझावसहित सम्वाद समितिले पठाएका बुादालाई समेटेर संविधानको विधेयक तयार गर्नेछ । सम्वाद समितिको प्रतिवेदन पारित भएपछि संविधान थप सुनिश्चित भएको छ । ६ प्रदेशको सिमांकनमा चार दलबीच सहमति भएपछि त्यसमा आधारित भएर सम्वाद समितिले संविधानसभामा प्रतिवेदन पेस गरेको थियो ।
यता छलफलमा सहभागी सभासद्हरुले प्रदेश सिमांकनलाई अझै व्यवहारिक, वैज्ञानिक र सर्वस्वीकार्य बनाउनुपर्ने सुझाव दिइरहेका छन् । राष्ट्रिय प्रजातन्त्र पार्टी, संघीय समाजवादी फोरम नेपाललगायतका पााच दलले छलफलमा सहभागी भएनन् । उनीहरुले संविधानसभामा बाहिष्कार गरेर निस्केका थिए ।
