काठमाडौं, २७ साउन ।
नेकपा एमालेका सचिव प्रदीप ज्ञवालीले राजनीतिक दलहरु धर्मको विषयमा तटस्थ बस्नुपर्नेमा जोड दिनुभएको छ ।
राजधानीको संबाद डबलीमा आयोजित ‘संविधानमा धार्मिक व्यवस्था’ विषयक अन्तरक्रियामा उहाले केही राजनीतिक दलहरु धर्मको विषयमा तटस्थ नभइ धर्मको नाममा राजनितीक गरीरहेको आरोप लगाउनु भयो ।
सचिब ज्ञवालीले संविधानमा धर्म्निरपेक्षताको व्यवस्था उपयुक्त हुने धारणा राख्नुभएको छ । उहाले केही व्यक्तिले स्वार्थका लागि धर्म्निरपेक्षताको अपव्याख्या गर्दै धर्मका नाममा राजनीति गरीरहेको बताउनु भयो ।
यस्तै सोही कार्यक्रममा एकीकृत माओवादी प्रवक्ता दीनानाथ शर्माले राष्ट्रको कुनै धर्म नहुने भन्दै व्यक्तिगत स्वतन्त्रता र विश्वासको विरोध गर्न नहुने बताउनु भयो ।
संघीय समाजवादी फोरमका उपाध्यक्ष मोहम्मद लालबाबु यादवले धर्मको नाममा राजनीति गर्नेहरुका कारण विवाद बढेको भन्दै धर्म्निरपेक्षतालाई समस्या ठान्न नहुने धारणा राख्नुभएकाने थियो ।
