काठमाण्डौ,२४ साउन ।
संबिधानसभाको बैठक साँझ बस्ने भएको छ । आजै दिउँसो एक बजेका लागि बोलाएको संबिधान सभाको बैठक संवाद समितीको बैठक सिँहदरबारमा जारी रहेकाले साँझ ५ बजे बस्ने भएको हो ।
दलहरुबीच भएको सहमतिको प्रतिवेदन हिजो राति नै सम्वाद समितिमा पेश भइसकेको छ । प्रतिवेदनमाथी बैठकमा छलफल भईरहेको हो ।
गएराती दलहरुबिच ६ प्रदेश रहने गरी सिमाङकनका बिषयमा सहमती भएसंगै संबाद समितीले बनाएको प्रतिबेदन आजको संबिधान सभा बैठकमा पेश हुने कार्यसुची छ ।
बिगत ११ दिन देखी सिमाङकन सहितको प्रदेशका बिषयमा सहमती जुटाउन नसकेका प्रमुख दलले मध्यराती ६ प्रदेश रहने गरी सिमाङन बनाउने सहमती गरेका थिए । दलबिच सहमती नहुदा हिजो संबिधान सभाको बैठक ३ पटक सारीएको थियो ।
यसैबिच प्रमुख दलहरुले सीमांकनसहितको ६ प्रदेशमा सहमति गरेपछि आदीबासी जनजाती र मधेसीहरु आन्दोलनमा उत्रिएका छन । उनीहरु सीमांकनमा असहमति जनाउँदै पहिचानसहितको संघीयता हुनु पर्ने माग गरेका छन ।
सीमांकनलाई लिएर सदभावना पार्टींले संविधानसभा छाड्ने निर्णय गरेको छ । सह अध्यक्ष लक्ष्मण लाल कर्णले संविधानको अन्तिम मस्यौदा आएपछि संविधानसभा छाड्ने निर्णय भएको जानकारी दिनुभयो ।
मधेसी जनअधिकार फोरम नेपालका अध्यक्ष उपेन्द्र यादवले ६ प्रदेशको सीमांकन आफूहरुलाई स्विकार्य नहुने भन्दै यसका विरुद्ध आन्दोलनमा उत्रने चेतावनी दिनुभयो ।
