काठमाडौं, २३ साउन। एमाले अध्यक्ष केपी ओलीले संविधान बन्न नदिन षड्यन्त्र भइरहेको बताउनु भएको छ ।
एमालेको केन्द्रीय कार्यालय बल्खुबाट धुम्बाराहीमा सरेपछि गरिएको कार्यक्रममा ओलीले संबिधान बन्न नदिन षड्न्त्र भईरहेको भएपनि त्यसलाई असफल बनाएर चाँडै संविधान जारी गर्ने दाबी गर्नुभयो ।
उहाले संघीय प्रदेशहरुको सीमांकनको विवाद पनि छिट्टै टुंगिने विश्वास व्यक्त गर्दै सबै समुदाय र भूगोलको साझा संविधान बन्नेसमेत बताउनु भयो ।
ओलीले जनचाहना अनुकूल सीमांकनसहितको संविधान आउने विश्वास व्यक्त गर्नुभयो ।
वैशाख १२ गतेको भूकम्पले एमालेको बल्खुस्थित केन्द्रीय कार्यालय क्षतिग्रस्त भएपछि राजधानीको धुम्बाराहीमा सारिएको हो । पहिले पासाङल्हामु पर्वतारोहण प्रतिष्ठान रहेको भवन पाँच वर्षका लागि भाडामा लिइएको एमालेले जनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
