काठमाडौं, २३ साउन ।
संबिधानसभाका अध्यक्ष सुवासचन्द्र नेम्बाङले साउन मसान्त भित्र पहिचान र समाबेशीसहितको नयाँ संबिधान जारी हुने बताउनु भएको छ ।
नेपाल आदिबासी जनजाती पत्रकार महासंघ (फोनिज)द्वारा आयोजित पुरस्कार वितरण समारोहमा नेम्बाङले आफु साउन मसान्त भित्र संबिधान जारी गर्न लागि परेको बताउनु भयो ।
‘संम्बाद समितीले प्रतिबेदन नबुझाएको कारण केही ढिला भएको बताउनु भयो । संबिधानको प्रकृया छिटो अघि बढाउन दैनिक बैठक बोलाईरहेको बताउँदै सभामुख नेम्बाङले यस पटक पूर्व मेची देखि पश्चिम महाकालीसम्म पुगेर सुझाव संकलन गरेको र अदालत, पत्रकार, महिला दलित, आदिबासी जनजाती सबैकोमा पुगेर सुझाव लिएको बताउनु भयो ।
अध्यक्ष नेम्बाङले सबैको सुझाव समेटिने भएकाले नयाँ संबिधान अहिलेसम्मकै उत्कृष्ट र अग्रगामी हुने धारणा राख्नुभयो । आदिबासी पत्रकारका शन्दर्भमा आफु संवेदनसिल रहेको भन्दै नेम्वाङले नयाँ सम्बिधानले पहिचान र समाबेशीको शुनिश्चितता गर्ने ठोकुवा गर्नुभयो ।
कार्यक्रममा नेपाल पत्रकार महासंघका अध्यक्ष महेन्द्र बिष्टले समाबेशीसहितको सञ्चार नीति ल्याउन आवश्यक रहेको बताउनु भयो । समाबेशी सम्बन्धि उच्च स्तरीय समितिको प्रतिबेदन छिटो भन्दा छिटो सार्वजनिक गरी कार्यान्वयन गर्नुपर्ने पनि अध्यक्ष विष्टले बताउनु भयो ।
कार्यक्रममा फोनिज अध्यक्ष डण्ड गुरुङले समाबेशी संविधान आजको अपरिहार्यता र समावेशी संचार नीति तत्काल लागु पर्न माग गर्दै पुरस्कृत हुने पत्रकारहरुलाई बधाई दिनुभयो ।
कार्यक्रममा नेपाल आदिवासी जनजाति महासंघका अध्यक्ष नगेन्द्र कुमाल, महिला महासंघका अध्यक्ष शान्ति जिरेल, आदिवासी जनजाति राष्ट्रिय उत्थान प्रतिष्ठानका सूचना अधिकृत हितकाजी गुरुङ लगायतले नयाँ संविधान समावेशी र समानुपातिक हुनुपर्नेमा जोड दिनुभयो ।
पुरस्कार ग्रहण गर्दै सन्ध्या टाईम्स दैनिकका सुरेशकिरण मानन्धरले पुरस्कारले आफुहरुलाई थप जिम्मेवार बनाएको बताउनु भयो ।
सभामुख नेम्वाङले पुरस्कृत हुने पत्रकारहरुलाई नगद, सम्मान पत्र तथा खदा लगाईदिएका थिए । फोनिजले दुईवर्षदेखि प्रदान गर्दै आएको आदिवासी जनजाति राष्ट्रिय पत्रकारिता (आइभिए) पुरस्कार यसवर्ष जनही १५ हजार रुपैया रहेको थियो ।
पुरस्कृत हुनेहरुमा छापाका सुरेशकिरण मानन्धर सन्ध्या टाईम्स, हिमाल खबरपत्रिकाका देबिका घर्तीमगर, टेलिभिजनतर्फ सगरमाथा टि.भी. का रोजिना लामा तथा एबीसी टेलिभिजनका लोकबहादुर गुरुङरलाला गुरुङ र रेडियोतर्फ इलाम एफ.एफ.का सन्तोष नेम्वाङ र रेडियो जागरण रुपन्देहीबाट कमला चौधरी रहेका छन् ।
