साउन १९, सल्यान
हिन्दुराष्ट्र पुर्नस्थापनार्थ राप्रपा नेपालले सल्यान खलंगामा सुरु गरेको रिले अनसन आजपनि जारी छ ।
४ दलिय सिन्डगेटका कारण आफुहरु विभिन्न समयमा आन्दोलित हुदै आएको बताउदै पार्टीका सल्यान अध्यक्ष मनोज सिंहले आफुहरुको यो अनसन सरकारी रवैयाको विरुद्धमा भएको बताएका छन । आइतबार देखि जारी रिले अनसनमा राप्रपाका जिल्ला स्तरका नेता तथा विभिन्न ठााउका कार्यकर्ताले सहभागिता जनाएका छन ।
हिन्दु राष्ट्रको निम्ती अहिलेसम्म २ सय भन्दा बढिले हस्ताक्षर गरिसकेको बताउदै उनले आफ्नो अनसन तोड्नलाई सरकारले सम्बोधन गर्नुपर्ने बताएका छन ।
अनसनमा अहिले सम्म राप्रपा नेपालका केन्द्रिय सदस्य अनुवम सिंह श्रेष्ठ, जिल्ला सचिव प्रविण थापा, उपाध्यक्ष जागेश्वर गिरी, क्षेत्रिय अध्यक्ष, अशोक श्रेष्ठ, सचिव गुन्जमान खत्री, महिला नेतृ अनिता राई लगायतले नेतृत्व गरेको मनोजले जनाएका छन ।
