काठमाडौ, १७ साउन ।
संविधानको प्रारम्भिक मस्यौदामा नागरिबाट प्राप्त सुझाव बारे शिर्ष नेता सम्मिलित विशेष समितिले सहमति जुटाउन नसकेपछि मुख्य राजनितिक विषयमा प्रमुख दलले द्धिपक्षीय छलफल गर्ने भएका छन् ।
प्रदेशको सिमांकन, धार्मिक स्वतन्त्रता र नागरिकता लगायतका विवादित विषयमा सत्तारुढ दल नेपाली कांग्रेस, एमाले तथा प्रमुख प्रतिपक्षी एकिकृत नेकपा माओवादीले अनौपचारिक छलफल गर्न लागेका हुन् ।
अपरान्न चार बजे सम्वाद समितिको बैठक बस्नु अघि दलहरुबीच अनौपचारिक छलफल हुने नेताहरुले बताएका छन् । जनमत संकलनबाट आएका सुझावलाई दलीय अडानका कारण विशेष समितिले समेट्न नसके पछि दलहरु दुई पक्षीय छुट्टा छुट्टै छलफलमा जुटेका हुन् ।
स्रोतका अनु्सार संविधानका मुख्य विवादित विषयमा कांग्रेस र एमालेबीच बढी विवाद भएपछि द्धिपक्षीय छलफल गर्न विशेष समितिको बैठक भोली बिहान सम्मका लागि स्थगित गरिएको छ ।
यसैबीच सम्वाद समितिका सभापति डा. बाबुराम भट्टाराईले ११ वटा प्रमुख विषयमा विशेष समितिमा छलफल भइरहेकाले आज साँझसम्ममा सहमति जुटाउने तयारी भएको बताउनु भएको छ ।
