काठमाडौ १६ साउन ।
रौतहटमा गएराति भएको सवारी दुर्घटनामा दुई जनाको मृत्यु भएको छ भने ६ जना घाइते भएका छन् ।
चन्द्रनिगाहपुरबाट सर्लाही तर्फ जाँदै गरेको बा ६ च ९० १२ नम्बरको जिप पूर्वपश्चिम राजमार्ग अन्तर्गत चन्द्रपुर नगरपालिका १ लच्कामा तीव्र गतिका कारण दुर्घटना हुँदा दुई जनाको घटनास्थलमै मृत्यु भएको प्रहरीले जनाएको छ ।
मृत्यु हुनेमा जिपमा सवार सर्लाही रानीगन्जका करिब ३० वर्षीय चित्रबहादुर मगर र लालबन्दी नगरपालिका २ का २७ वर्षीय मनोज गोले रहेको इलाका प्रहरी कार्यालय चन्द्रनिगाहपुरले जनाएको छ ।
घाइते मध्ये अर्जुन लामाको अवस्था गम्भिर रहेको छ उनलाई थप उपचारका लागि वीरगन्ज पठाइएको छ । बाँकी पाँचजनाको चन्द्रनिगाहपुर अस्पतालमा उपचार भइरहेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
