साउन १५, सल्यान
सल्यानमा दैवि प्रकोपबाट हुने विपद व्यवस्थापनका लागी अपरेटिङ्ग कक्षको स्थापना गरिने भएको छ ।
जिल्ला प्रशासन कार्यालयमा आज बसेको दैवि प्रकोप तथा विपद व्यवस्थापन समितिको बैठकले जिल्ला विकास समिति सल्यानमा सो कक्षको स्थापना गर्ने निर्णय गरेको सहायक प्रमुख जिल्ला अधिकारी रमेश पाण्डेले जानकारी दिएका छन ।
त्यस्तै बैठकले श्रावण २२ गते शुक्रबार जिल्लाका सरोकारवालासंग विपद व्यवस्थापन सम्बन्धि अभिमुखिकरण कार्यक्रम संचालन गर्ने निर्णय गरेको छ ।
सल्यानमा गतबर्षको बर्षामा गएको पहिरोले पश्चिमका निगाल्चुला, कालिमाटी काल्चे र काप्रेचौरमा धन जनको व्यापक क्षति पुऱ्याएको थियो भने दाङ्ग सल्यान हुदै रुकुम जोड्ने राप्ती राजमार्गमा पहिरोले क्षति पुऱ्याउदा जनजिवन प्रभावित बनेको थियो । यसबर्ष त्यस्तो समस्या देखापरेमा तत्काल समाधानका लागि योजनावद्ध रुपमा लाग्ने पाण्डे बताएका छन ।
