काठमाण्डौ,१३ साउन ।
काग्रेस निकट नेपाल प्रजातन्त्रवादी प्राध्यापक संघले सातवटा विश्वविद्यालयमा रिक्त हुन लागेका उपकुलपति पदमा नियुक्तिका लागि विभिन्न प्राध्यापकको नाम सिफारिस गरेको छ ।
संघले यही साउन २३ गतेदेखि रिक्त हुने त्रिभुवन विश्वविद्यालय, नेपाल संस्कृत विश्वविद्यालय, पूर्वाञ्चल विश्वविद्यालय,मध्यपश्चिमाञ्चल विश्वविद्यालय, सुदूरपश्चिमाञ्चल विश्वविद्यालय, पोखरा विश्वविद्यालय र वन तथा कृषि विश्वविद्यालयको उपकुलपतिका लागि नाम सिफारिस गरेको हो ।
नेपाली काँग्रेस निकटका प्राध्यापक आबद्ध रहेको सङ्घले सबै रिक्त पदका लागि आफ्नो तर्फबाट नामावली तयार पारेर शिक्षामन्त्री चित्रलेखा यादवलाई सिफारिस गरेको संघका कोषाध्यक्ष विष्णु पोख्रेलले जानकारी दिनुभयो ।
लामो समयदेखि करार सेवामा रहेका शिक्षण सहायकलाई प्रक्रिया पुर्याएर अस्थायी दरबन्दीमा उपप्राध्यापक पदमा नियुक्त गर्न र विश्वविद्यालय सेवा आयोगमार्फत तुरुन्त स्थायी गर्न संघले सरकारसँग माग गरेको छ ।
