काठमाण्डौै, २ साउन ।
वैदेशिक रोजगार व्यवसायी फ्री भिसा र फ्री टिकट निर्णयमा करिब सहमतिमा पुगेका छन् ।
सरकार र व्यवसायीबीच जारी वार्तामा उनिहरु उक्त निर्णयमा करिब सहमत भएपनि अरु ३० बुँदे माग तेस्र्याइ पूरा गर्न दबाव दिइरहेका छन् । शुक्रबार पनि ३० बुँदे मागमा श्रम मन्त्रालयमा दिनभर वार्ता जारी रह्यो ।
श्रम राज्यमन्त्री टेक बहादुर गुरुङले व्यवसायीहरुले मलेसिया लगायत खाडी क्षेत्रका ७ राष्ट्रमा फ्री टिकट र फ्री भीजामा मात्र पठाउने निर्णयर लगभग स्वीकारी सकेको उल्लेख गर्नुभयो ।
नेपाली कामदारको दिर्घकालिन हितमा गरिएको यो निर्णयमा त सरकार एक इन्च पनि पछि हट्न नसक्ने मन्त्री गुरुङको अडान छ । व्यवसायीले राखेका अरु मागका सम्बन्धमा भने छलफल जारी रहेको मन्त्री गुरुङले जानकारी गराउनुभयो ।
उक्त मुलुकमा सरकारको टोली छलफल र श्रम सम्झौताका लागि जान लागेको भन्दै व्यवसायीहरुलाई संगै जान आग्रह गरिएको पनि उहाँले उल्लेख गर्नुभयो ।
सरकारले गत असार २१ गते दखि फ्री भीसा र फ्री टिकटको निर्णय लागू गरेसंग वैदेशिक रोजगार व्यवसायी संघको अगुवाईमा व्यवसायीहरु काम ठप्प पारी आन्दोलनमा उत्रिदैं आएका छन् ।
