काठमाडौं, ३१ असार ।
नेपाल आयल निगमले पछिल्लो १२ वर्षमा झण्डै ४१ अर्ब रुपैया नोक्सानी व्यहोरेको छ ।
आर्थिक बर्ष २०५९र६० यता सञ्चिती घाटा ४० अर्ब ९८ करोड रुपैयाँ पुगेको हो निगमले जनाएको छ । आर्थिक बर्ष २०६८र६९ मा सवैभन्दा धेरै ९ अर्ब ५३ करोड रुपैयाँ घाटा भएको निगमको वार्षिक प्रतिवेदनमा उल्लेख छ । निगमले अघिल्लो आर्थिक वर्षमात्रै ८ अर्व ३० करोड रुपैयाँ घाटा वेहोरेको थियो ।
चरम आर्थिक अनियमितता र राजनीतिक अस्थिरताका कारण निगममा वर्षेनी घाटा वढ्दै गएको हो । सरकार, नागरिक लगानी कोष, कर्मचारी संचयकोष तथा विभिन्न वाणिज्य वैंकहरुबाट निगमले अहिले सम्म ३६ अर्व ८६ करोड ७० लाख रुपैयाँ ऋण लिईसकेको छ ।
निगमले विभिन्न निकायबाट लिएको ऋण मध्येबाट चालुआर्थिक वर्ष १४ अर्व ९८ करोड ७० लाख रुपैयाँ ऋण तिरेको जनाएको छ भने झण्डै २२ अर्व रुपैयाँ ऋण अभै तिर्न बाँकी छ ।
ऋण अत्याधिक भएपछि निगमले अहिलेसम्म झण्डै ३ अर्व रुपैयाँ व्याज तिरेको थियो । महङ्गोमा पेट्रोलियम पदार्थ खरिद गरि सस्तोमा वितरण गर्नुपर्दा अत्याधिक घाटा वेहोर्नु परेको निगमका कार्यकारी निर्देशक गोपाल खड्काले जानकारी दिनुभयो ।
यस्तै निगममा कार्यरत कर्मचारीका लागि वितरित अनावश्यक भत्ताका कारण पनि निगमलाई थप व्यायभार पर्दै आएको छ । यद्यपी आयल निगमले गतवर्षदेखि स्वचालित मुल्य प्रणाली लागु गरेको छ ।
यसैविच आयल निगमले आगामी आर्थिक वर्षमा हवाई इन्धन, पेट्रोल, डिजेल तथा ग्यासको भण्डारण क्षमता वढाउने बताएको छ । आपतकालिन अवस्थामा समेत इन्धन आपूर्ति सहज गराउन भन्दै निगमले भण्डारण क्षमता वढाउने तयारी गरेको हो ।
यसका लागि आगामी आर्थिक वर्षमा वजेट समेत विनियोजन हुने कार्यकारी निर्देशक खड्काले जानकारी दिनुभयो ।
