काठमाडौं, आषाढ २७ ।
सामाजिक न्याय तथा मानवअधिकार समितिले गैरकानूनी ढंगले सञ्चालित मेडिकल कलेजको तत्काल अनुगमन गरी कारवाही थाल्न सम्बन्धित निकायलाई निर्देशन दिएको छ ।
सिंहदरवारमा बसेको समितिको बैठकले कतिपय मेडिकल कलेज मेडिकल काउन्सिलले निर्धारण गरेको न्यूनतम मापदण्ड पनि पूरा नगरी सञ्चालन गरेको भन्दै गम्भीर आपत्ति व्यक्त गरेको छ ।
सन्चालकहरुको विवादका कारण बन्द रहेको जनकपुरको जानकी मेडिकल काउन्सिलका विद्यार्थीहरुको भविष्य अन्यौलमा परेको भन्दै समितिले त्यहाा रहेका ३१७ जना विद्यार्थीलाई अध्ययन गर्ने वातावरण तत्काल मिलाउन शिक्षा मन्त्रालयलाई निर्देशन दिएको छ ।
दश दिनभित्र कलेज सञ्चालकलाई कारवाही गरी सत्य तथ्य जानकारी गराउन निर्देशन दिदै समितिको तर्फबाट पााच सदस्यीय कार्यदल गठन गर्ने निर्णय गरेको छ ।
यसैबीच जानकी कलेजका पीडित विद्यार्थीले समितिका सभापति सुनिलकुमार श्रेष्ठलाई छुट्टै भेटेर कलेजको विवादका कारण आफूहरुको भविष्य अन्धकारमा धकेलिएको भन्दै तत्काल समस्या समाधान गरि
दिन आग्रह गरेका थिए ।
