काठमाडौं, २५ असार।
काठमाडौं महानगरपालिकाका नवनियुक्त प्रमुख कार्यकारी अधिकृत रुद्रसिंह तामाङले विदेशी पर्यटकहरुलाई हनुमानढोका प्रवेशका लागि लिइदै आएको शुल्क वृद्धि गर्ने बताउनु भएको छ ।
काठमाडौं दरबार क्षेत्र संरक्षण तथा व्यवस्थापन महासमितिले नवनियुक्त प्रमुख कार्यकारी अधिकृत तामाङको सम्मानमा आज राजधानीको हनुमान ढोकामा आयोजनाको गरेको कार्यक्रममा बोल्दै उहाले पर्यटकलाई लिँदै आएको शुल्क ७ सय ५० बाट बढाएर एक हजार र्पुयाइने बताउनु भएको हो ।
पर्यटकीय स्थलको सुधारका लागि महानगरपालिकाले विभिन्न कार्यक्रम सन्चालन गर्ने जानकारी दिदै नवनियुक्त प्रमुख तामाङले विश्व सम्पदा सुचीमा सुचिकृत सम्पदाहरु पुनरनिर्माणका लागि कुनैपनि देश विदेशका सरकारी तथा गैरसरकारी संस्थाका समुहलाई निर्माणको जिम्मा नदिने स्पष्ट पार्नु भयो ।
कार्यक्रमका सहभागीहरुले भूकम्पबाट भत्किएका ऐतिहासिक धरोहर निर्माण कार्य तत्काल सुरु गर्न सुझाव दिएका छन् ।
