काठमाण्डौ, २४ असार ।
अन्तर्राष्ट्रिय फुटबल महासंघ फिफाको वरियता क्रममा नेपाल फेरि तल झर्दै दक्षिण एसियाको पुछारमा पुगेको छ ।
फिफाले आज जारी गरेको जुलाई महिनाको वरियता क्रममा नेपाल दुई स्थान तल झर्दै १८५ औं पुगेको छ ।
अघिल्लो महिना नेपाल १८३ औं स्थानमा थियो । यो सँगै नेपाल दक्षिण एसियाको वरियता क्रममा पुछारमा पुगेको छ ।
नेपाललाई उछिन्दै १८३ औं स्थानमा पुगेको श्रीलंका दक्षिण एसियाको सातौ स्थानमा छ ।
दक्षिण एसियाको शीर्ष स्थानमा रहेको अफगानिस्तान १७ स्थान माथि उक्लदै १३४ औं स्थानमा छ भने दोस्रो स्थानको भारत १५ स्थान तल झर्दै १५६ औं स्थानमा पुगेको छ ।
यसैगरी तेस्रो स्थानको भुटान ७ स्थान तल झर्दै १६६ औं स्थानमा पुगेको छ भने चौथो स्थानको ३ स्थान तल झरेर १६९ औं वरियतामा छ । पाँचौ स्थानको पाकिस्तान १७२ औं र छैटौ स्थानको माल्दिभ्स १७६ औं मा पुगेको छ ।
विश्व वरियताको पहिलो स्थानमा अर्जे्न्टिनमा पुगेको छ । कोपा अमेरिकाको फाइनल हारेपनि अर्जे्न्टिना दोस्रो स्थानको जर्मनीलाई पछि धकेल्दै पहिलो स्थानमा पुगेको हो ।
तेस्रो स्थानमा बेल्लिजयम छ भने चौथोमा कोलम्बिया र पाँचौमा नेदरल्याण्ड्स छन् ।
