काठमाडौ, २२ असार ।
चीनका दुई ठूला सिमेन्ट उद्योगले नेपालमा ४७ अर्ब रुपैयाँ प्रत्यक्ष बैदेशीक लगानी एफडिआईको प्रस्ताब गरेका छन् । लगानी बोर्डका अनुसार चीनको होङ्सी ग्रुपले ३३ अर्ब र वङ्सीले १४ अर्ब रुपैयाँ लगानीको प्रस्ताब गरेका हुन् । होङ्सी चीनकै १० औ ठूलो सिमेन्ट उद्योग मानिन्छ ।
उक्त लगानी आगामी साता बस्ने बैठकले स्वीकृत गर्ने बोर्डका प्रमुख कार्यकारी अधिकृत राधेश पन्तले बताउनु भयो । होङसीले दुई महिनाअघि प्रक्रिया अघि बढाएको थियो भने वङ्सीले भूकम्पपछि हालै मात्र प्रस्ताब गरेको हो ।
भुकम्पपछि पनि ठूलो लगानी आकषिर्त हुनुले नेपाल सुरक्षित छ भन्ने सन्देश गएको बोर्डको दावी छ । चीनियाँ लगानीकर्ताका तर्फबाट नेपालमा हुन लागेको उक्त लगानी रकम हालसम्मकै सबैभन्दा ठूलो हो ।
चीनबाट खासगरि होटल, रेष्टुरेन्टलगायत क्षेत्रमा स साना लगानी मात्रै आइरहेका थिए । नयाँ लगानी ल्याउन खोजेको होङ्सीले नेपालको शिवम सिमेन्टसंग सहकार्य गर्ने भएको छ वङसीले शतप्रतिशत वैदेशिक लगानीको प्रस्ताब गरेको बोर्डले जनाइएको छ ।
