काठमाडौ २० असार । साढे ८ मेगावाट विद्युत उत्पादन क्षमताको अपि हाइड्रोपावर र रिलायवल माइक्रो फाइनान्सले यो साता ३१ लाख ५० हजार कित्ता साधारण सेयर जारी गर्ने तयारी गरेका छन ।
प्रतिकित्ता सय रुपैयाँ अंकित दरका ३१ करोड ५० लाख रुपैयाँ बराबरका साधारण सेयरमा सर्वसाधारणले लगानी गर्न पाउने बताइएको छ ।
रिलायबल डेभलपमेन्ट बैंकको सहायक संस्था रिलायबल माइक्रोफाइनान्सले असार २२ गतेदेखि १ लाख ५० हजार कित्ता साधारण सेयर निष्काशन गर्दैछ ।
कूल निष्काशित सेयरमध्ये ७ हजार ५ सय कित्ता सामुहिक लगानी कोषको लागि तथा ३ हजार कित्ता कर्मचारीको लागि छुट्याएको छ ।
त्यसैगरी, दार्चुलाको नौगाढ खोलामा साढे ८ मेगावाट विद्युत उत्पादन गरेको अपि हाइड्रोवार कम्पनीले आगामी असार २४ गते ३० लाख कित्ता साधारण सेयर निष्काशन गर्ने तयारी गरेको छ ।
निष्काशन गरेको उक्त सेयर छिटोमा असार २८ गते ढिलोमा साउन ७ गते बिक्री बन्द गरिने कम्पनीले जनाएको छ ।
