काठमाण्डौ ,१६ असार ।
राजधानी उपत्यका सहित देशका बिभिन्न स्थानमा पानी परिरहेको छ । आज बिहान केहि समय घाम लागेको भएपनि अचानक बर्षा सुरु भएको हो ।
उपत्यका सहित देशका बिभिन्न स्थानमा अहिले भारी बर्षा भइरहेको जल तथा मौसम पुर्बानुमान महाशाखाले जनाएको छ ।
पूर्वका मोरङ ,विराटनगर , ईलाम , लाप्लेजुङ लगायतका स्थानमा मेघ गर्जनसहित बर्षा भईरहेको धरानबाट पत्रकार गणेश तिम्सिनाले जनाएका छन् ।
झापामा भने पानी नपरेको उनले बताए । अबिरल बर्षा सँगै पूर्वका खोलाहरुमा बाढी आएपछि सो आसपासका बासिन्दा समस्यामा परेका छन् ।
केही दिन सक्रिय मनसुन कमजोर भएकाले पानी आज साझ बाट भने कम पर्नेे सम्भाबना रहेको मौसम बिद शान्ति कडेलले जानकारी दिनुभयो ।
यसअघि बंगालको खाडीबाट आएको जलवाष्पयुक्त हावाका कारण देशका पश्चिम क्षेत्रमा भारी वर्षा भएको थियो ।
एक हप्ताअघि सक्रिय भएको मनसुन फेरि कमजोर हुन लागेको मौसमविद् कँडेलले बताउनुभयो ।
मनसुन सक्रिय गराउने न्यूनचापीय रेखा सामान्य ठाउँमा बस्न लागेकाले मनसुन कमजोर देखिएको हो ।
मौसम पूर्वानुमान महाशाखाका अनुसार आज साझबाट बर्षा कम हुने छ । पूर्व र मध्यका धेरै ठाउँमा मेघगर्जनसहित पानी परीरहेको छ । पश्चिमको केही ठाउँमा क्षणिक वर्षा हुने महाशाखाले जनाएको छ ।
