काठमाडौ, ३० जेठ ।
क्षेत्रीय खाद्य प्रविधि तथा गुण नियन्त्रण कार्यालय विराटनगरले न्यून गुणस्तरको खाद्यान्न उत्पादन गरेको भन्दै पूर्वका विभिन्न ३६ उद्योग विरुद्ध मुद्दा चलाइएको छ ।
बजारमा ब्रान्डेड खाद्यान्न उत्पादन गर्ने ठूला उद्योगका उत्पादन समेत गुणस्तरहीन पाइएको भन्दै कार्यालयले ती उद्योगविरुद्ध कानूनी कार्वाही थालको क्षेत्रीय खाद्य प्रविधि तथा गुण नियन्त्रण कार्यालय विराटनगरका प्रमुख प्रमोद कोइरालाले बताउनुभयो ।
विभिन्न समयमा खाद्यान्नको नमूना संकलन गरेर क्षेत्रीय प्रयोगशालामा गुणस्तर परीक्षण गर्दा न्युन गुणस्थर फेला परेको कोइरालाको भनाइ छ ।
मुद्दा चलाइएका तीन वटा बिस्कुट उद्योग, दश वटा प्रशोधित पिउने पानी, सात वटा घ्यू तथा तेल उद्योग, प्रशोधित चाउचाउ उद्योगसहित चिया, बेसन, प्रशोधित दूध र स्वीट्स एण्ड स्न्याक्स उद्योग रहेका कार्यालय प्रमुख काइरालाले बताउनुभयो ।
