काठमाण्डौ,२१ जेठ ।
लुम्बिनी क्षेत्रका व्यवसायीहरुले ‘भिजिट लुम्बिनी हेल्प नेपाल’ अभियान सुरु गरेका छन । विनाशकारी भूकम्पपछि सुस्ताएको पर्यटनलाई पुरानै अवस्थामा फर्काउन सो अधियान नै लिएर व्यवसायीहरु थाइल्याण्डमा पर्यटन प्रबर्द्धनका लागि जाने भएका हुन ।
सिद्धार्थ होटल एशोसियसन नेपाल (सान लुम्बिनी)का अध्यक्ष चन्द्र प्रकाश श्रेष्ठको नेतृत्वमा पर्यटन ब्यबसायी तथा संचारकर्मिको ११ सदस्यिय टोली भोली त्यसतर्फ प्रस्थान गर्दै छ ।
टोलीमा सानका बरीष्ठ उपाध्यक्ष बिष्णु गौतम, उपाध्यक्ष किशोर जोशी, कोषाध्यक्ष भोजेन्द्र खत्री सदस्यहरु निर्मल श्रेष्ठ, प्रबिण शाक्य, श्रीचन्द गुप्ता, संचारकर्मी मनोरञ्जन शर्मा, शंकर पाण्डे तथा फोटोग्राफर उमंग पन्त रहेका छन ।
सानले थाइल्यान्डको प्रशिद्ध साकेत बौद्ध बिहारमा आइतबार लुम्बिनी र बौद्ध क्षेत्रहरुको बृहत फोटो प्रदर्शनीको आयोजना गर्ने जनाएको छ । प्रर्दशनीमा सञ्चारकर्मी तथा लुम्बिनीको राष्ट्रिय तथा अन्तराष्ट्रिय प्रचारक चेतन पन्तद्धारा संग्रहित तस्बिर एबं वृत्तचित्र प्रदर्शनी हुनेछ ।
थाइल्यान्ड रहँदा नेपाली दूताबास, गैरआवासीय नेपाली, नेपाललाई मायाँ गर्ने थाइहरुसँग लुम्बिनीको पर्यटन प्रबर्द्धनमा सघाउन छलफल तथा अन्तरकृया आयोजना गरिने भएको छ ।
