काठमाण्डौ, १६ जेठ ।
हिजो विहान सितापाइलामा भएको सवारि दुर्घटनाको विषयलाई लिएर भएको विवादका बारेमा आज त्रिपक्षीय बार्ता हुने भएको छ ।
हिजो बिहान करिब साढे दश बजेतिर कलंकी बाट स्वयम्भु तर्फ जादै गरेको बा ३४ प ६५७५ नम्बरको मोटरसाइकल लाइ सोहि दिशा तिर जादै गरेको शसस्त्र प्रहरी को ना.२. घ. ६५५ नम्बरको ट्रकले सितापाइला मिलन टोलमा ठक्कर दिदा मोटर साइकल चालक स्थानीय २४ बर्षीय सरोज बसेलको मृत्यु भएको थियो ।
मृतकका परिवार प्रत्यक्ष दर्शी , यातायात संग आवद्ध मजदुर तथा व्यवसायीले घटना शसस्त्रकै गाडीले घटाएको भन्दै स्वयम्भु वृत्त प्रहरी मा नारा बाजी गर्दै हिजो दिन भर उक्त क्षेत्रमा यातायात सेवा अवरुद्ध गरेका थिए ।
यातायात राष्ट्रिय व्यवशायी महासंघका अध्यक्ष सरोज सिटौलाका अनुसार आज विहान ११ बजे प्रहरी वृत स्वयम्भूमा शसस्त्र प्रहरी , यातायात व्यवशायी महासंघ र पीडित पक्ष बीच वार्ता गर्ने र घटनाको छानविन गरी दोषीमाथि कार्बाही र क्षतिपूर्ति दिने सहमति भए पछि बन्द फिर्ता भएको थियो ।
उता शसस्त्र प्रहरीले भने मोटरसाईकललाई ठक्कर दिने आफ्नो गाडी नभई संयुक्त यातायात को बा ३ ख ५०४४ नम्बरको बस रहेको दावि गर्दै आएको छ ।
