जेष्ठ १३ काठमाण्डौं ।
केही वर्ष अघि सम्म नेपाली फिल्ममा निकै चर्चित नायीकाको रुपमा रहेकी विपना थापा वैवाहिक जीवन पछि भारतमा रहदै आएकी छन् । मथुरामा रहने उनलाई यो भूकम्पले जन्म ठाउ माईती गाउ जे जसरी सम्झे पनि राहत कोसेली लिएर आउन बाध्य पाऱ्यो ।
हिजो मात्रै काठमाण्डौं आएकी उनले माईती क्षेत्र काठमाण्डौं स्युचाटारमा रहेका करीब २ सय घरमा राहत बाडेकी छन् । तेल चामल, दाल , चिनी नुन, सावुन, विस्कुट कपडाहरु आदि राहत ल्याएर उनले वितरण गरेकी छन् ।
विपनाले जाडो छिट्टै आउने भएकाले १ हजार भन्दा बढी सिरक डस्ना समेत बोकेर आएकी छन् । उनी आउनु भन्दा पहिले पनि उनले औषधी सहितका विभिन्न राहत सामाग्री भूकम्प पछि पठाएकी थिईन् ।
९ वर्ष अघि विवाह पछि भारत गएर फिल्म क्षेत्रबाट अलग्गिएकी विपनाले ‘बरमाला’, ‘बेइमानी’, ‘रामबलराम’, ‘देवदूत’, जस्ता दर्जनौं फिल्महरुमा अभिनय गरेकी थिईन् ।
