काठमाडौं, जेठ १३ ।
एकीकृत नेकपा माओवादीका नेता टोपबहादुर रायमाझीले भूकम्पबाट भएको क्षतिको पुननिर्माणका लागि राष्ट्रिय सरकार गठन आवश्यक भएको र त्यसका लागि प्रधानमन्त्री सुशील कोइरालाले राजिनामा दिएर मार्ग प्रशस्त गर्नुपर्ने बताउनुभएको छ ।
एमाओवादी नेता रायमाझीले आज रिपोर्टस क्लबले काठमाडौंमा गरेको साक्षात्कारमा राष्ट्रिय सरकार गठनका विषयमा प्रमुख दलबीच भित्रभित्रै अनौपचारिक सहमति भैसकेको दाबी गर्दै प्रधानमन्त्रीले राजिनामा दिएर राष्ट्रिय सरकार गठनका लागि सहज वातावरण बनाइदिनुपर्ने बताउनुभयो ।
उहााले कुन दल र कुन नेताको विषयमा राष्ट्रिय सरकार गठन गर्ने भन्ने विषय गौण भएको भन्दै प्रधानमन्त्रीले राजिनामा दिए नेतृत्वका विषयमा छलफल गर्न सजिलो हुने बताउनुभयो । एमाओवादी नेता रायमाझीले भूकम्पले र्पुयाएको क्षतिको पुननिर्माणका लागि सबै राजनीतिक दललाई एक ठाउामा ल्याउन राष्ट्रिय सरकारको गठन अनिवार्य भएको बताउनुभयो ।
