काठमाण्डौ ,१२ जेठ ।

पूर्वपश्चिम राजमार्गअन्तर्गत नवलपरासीको बडेरामा गएराति दुई वटा ट्रक एकापसमा ठोक्किँदा दुई जनाको मृत्यु भएको  छ ।

दुर्घटनामा तीनजना घाईते भएका छन् । पेप्सिकोला बोकेर पूर्वबाट पश्चिम जाँदै गरेको ट्रक र विपरीत दिशाबाट आउँदै गरेको अर्को ट्रक ठोक्किँदा दुर्घटना भएको ट्राफिक प्रहरी कार्यालय सुनवलले जनाएको छ ।

दुर्घटनाबाट पेप्सीकोला बोकेको गाडीमा रहेका चालक र सहचालकको मृत्यु भएको हो ।

मृतकको सनाखत हुन सकेको छैन । दुर्घटनामा अर्काे ट्रकमा रहेका तीन जना घाईते भएको र उनीहरुको लुम्बिनी अञ्चल अस्पताल बुटवलमा उपचार भइरहेको छ ।