मापदण्डविपरीत बनेका घरहरुसमेत भत्काउने निर्णयको बेवास्ता गर्दै जोखिमपूर्ण घरहरुको निर्माण कार्य नरोकिएको पाइएको छ ।

सरकारले बुधबार वैशाख १२ गतेको विनाशकारी भूकम्पपछि नक्सा पास गरी निर्माणको काम गरिरहेकै भए पनि दुई तलाभन्दा बढी बनाउन नपाउने निर्णय गरेको छ ।

इन्द्रचोकको धाराचोकमा १० र रञ्जना हलछेउमा आठ तले संरचना बनेको दुई घरमा क्रमशः बिहीबार र शुक्रबारसम्म काम भइरहेको पाइएको छ । नयाँ सडककै भोसिकोमा भने १२ तले संरचना निर्माण भइसके पनि बाँकी काम भएको छैन । आजको अन्नपूर्ण पोष्ट दैनिकमा खबर छ ।