वाणिज्य विभागले आकस्मिक रुपमा गरेको बजार निरीक्षणका क्रममा खरिद मूल्यभन्दा धेरै गुणा नाफा लिएर त्रिपाल बेचेको भेटिएपछि बनेपा-१० स्थित दाप्चा भीमसेन ट्रेडर्सका प्रोप्राइटर निरकुमार श्रेष्ठलाई मुद्दा चलाइएको हो। श्रेष्ठलाई १८ फिट चौडाइ र २४ फिट लम्बाइको त्रिपालमा ८ सय ८८ रुपैयाँसम्म बढी मूल्य लिएको अभियोगमा मुद्दा चलाइएको हो। उनले यसरी बढी मूल्य लिएर १ सय १७ थान त्रिपाल बेचेको अभियोगमा उल्लेख छ।

यस्तै, विभागले पाँचखाल-३ स्थित श्रेष्ठ हार्डवेयर एण्ड पेन्ट सेन्टरका प्रोप्राइटर भीम श्रेष्ठविरुद्ध समेत कालोबजारीमा मुद्दा चलाएको हो। विभागबाट खटिएको टोलीले स्थलगत अनुगमन गर्दा श्रेष्ठले जस्तापाता (प्लेन सिट)मा बढी रकम असुलेको पाइएपछि मुद्दा दायर गरेको हो।