डडेल्धुरा, ४ जेठ ।
भिमदत्त राजमार्ग अन्तर्गग डडेल्धुराको मेलखर्कमा यात्रु बहाक बस दुर्घटना भएको छ । दुर्घटनामा परी ७ जनाको मृत्यु भएको छ भने ३५ जना घाइते भएको जिल्ला प्रहरी कार्यालय डडेलधुराले जानकारी दिएको छ । घाइते मध्य १७ जनाको अबस्था गम्भीर रहेको छ ।
जिल्ला प्रहरी कार्यालय डडेल्धुराका प्रहरी नायब निरिक्षक योगेन्द्र थापाले बताए अनुसार महाकालि यातायातको म ५ ख १६८५ नम्बरको यात्रुबहाक बस दुर्घटनामा परेको हो ।
बस आज बिहान १० बजे महाकालि यातायातको प्रधानकार्यालय कञ्चनपुर महेन्द्रनगर बाट दार्चुलाका लागि छुटेको थियो । उद्दारका लागी डडेल्धुराबाट शसस्त्र प्रहरी, नेपाल प्रहरीको तथा स्थानिय वासी दुर्घटना स्थल पुगेका छन ।
द्रुत गतिका कारण नियन्त्रण भन्दा बाहिर गाइ दुर्घटना भएको बस बस सडकबाट ३ सय मिटर तल खसेकोे छ । उद्दार कार्य अहिले पनि जारी रहेको प्रहरीले जनाएको छ ।
