काठमाडौं, २ जेठ ।
बैशाख १२ गते नेपालमा गएको महाभुकम्प र गत मंगलबारको भुकम्पबाट प्रभावित भुकम्पपीडितलाई राहतस्वरुप रुपन्देही सैनामैना नगरपालिका १० का हरी पन्थी र उनको परिवारले रु १ लाख बराबरको जिन्सी सामग्री सहयोग गरेको छ ।
हाल जापानमा पत्रकारिता एवंम विभिन्न संघ संस्थामा सक्रिय रहँदै आएका पन्थीले नेकपा माओवादी रुपन्देहीका सेक्रेटरी शरद ओली र क्रान्तिकारी पत्रकार संगठन लुम्बिनीका संयोजक प्रकाश डुम्रेमार्फत १ लाख बराबरको ९० थान कम्बल, ५४ थान त्रिपाल सहित आवश्यक सामग्रीहरु आज पन्थीको बुवा कमल पन्थी र पत्नी सिता पन्थीले हस्तान्तरण गरेका हुन् ।
पन्थी परिवारले नेपालीको दुखमा आफुहरुले सकेको सहयोग गरेको भन्दै पीडितहरुलाई छिटै उपलब्ध गराइदिन आग्रह गरेका थिए ।
सामग्रीहरु ग्रहण गर्दै ओलीले पन्थी परिवारले गरेको सराहनीय कामको प्रंशसा गर्दै राहत केही दिनमै भुकम्पपीडितकै हातमा पु¥याउने बताए ।
ओलीले नेकपा माओवादी रुपन्देही जिल्लाले पनि राहत संकलन अभियान सुरु गरेको बताउँदै सबै क्षेत्रगत रुपले राहत संकलन अभियानमा लागेको बताए ।
पन्थीले उपलब्ध गराएको राहत सामग्री पीडितसमक्ष पु¥याउन आउँदो बुधबार क्रान्तिकारी पत्रकार संगठन लुम्बिनीका संयोजक डुम्रेसहितको टोली गोर्खा जादै छ ।
