काठमाण्डौ, १ जेठ ।
अर्थमन्त्री डा. रामशरण महतले विदेशी दाताहरुलाई राहत सामाग्री वा जिन्सीभन्दा नगदमा नै सहयोग उपलब्ध गराउन आग्रह गर्नुभएको छ ।
अर्थमन्त्री डा. महत, योजना आयोगका उपाध्यक्ष गोविन्द पोखरेल र अर्थसचिव सुमनप्रसाद शर्माले आज सिंहदरबारमा आयोजित दाताहरुसँगको छलफल कार्याक्रममा भूकम्पपछिको नेपालको यथास्थितीमा प्रस्तुत गर्दै नगद सहयोग गर्न आग्रह गर्नुभएको हो ।
दातृ निकायहरुले भूकम्पले ध्वस्त बनाएका संरचना पुननिर्माणका लागि जस्तोसुकै सहयोग गर्न आफूहरु तयार रहेको बताएका छन । आज अर्थमन्त्रालयमा आयोजित सम्मेलनमा सहभागी ३५ देशका दाताहरुले यस्तो प्रतिवद्धता जनाएका हुन ।
सरकारले आगामी आर्थिक वर्षको बजेटमा पुनः निर्माणका लागि दाताहरुले प्रतिवद्धता गर्ने रकम समावेश गर्ने मन्त्री महतले जानकारी दिनुभयो । उहाले कम प्राथमिकताका आयोजनाहरुको बजेट कटौती गरेर अत्यावश्यक पुननिर्माणमा खर्चिने पनि जानकारी दिनुभएको छ ।
