काठमाण्डौ,२८ बैशाख ।
सतारुढ दल नेपाली कांग्रेसका सभासदले भूकम्पपीडिलाई प्रभावकारी रुपमा राहत वितरण गर्न नसकेको भन्दै सरकारको चर्को आलोचना गरेका छन । नयाँ बानेश्वरस्थित संविधान सभा भवनमा विहान बसेको काग्रेस संसदीय दलको बैठकमा उनीहरुले भूकम्प प्रभावित क्षेत्रको उद्दार तथा राहत वितरणमा सरकार असफल भएको बताएका छन ।
बैठकमा संभासद बालकृष्ण खाँडले पीडित परिवारलाई सरकारले दिने राहत प्रभावकारी नभएको भन्दै तत्काल उनीहरुका आधारभूत आवश्यकता पुरा गर्न सरकारको ध्यानाकर्षण गराउनुभयो । बैठकमा अधिकांस सभासदले भूकम्प पिडितको उद्दार तथा राहतमा भएको कमी कमजोरीको आलोचना गरेका छन ।
संकल्प प्रस्तावमा समावेश नभए पनि जस्ता पाता र घर निर्माणका लागि तत्कालै रकम उपलब्ध गराउन माग गरिएको सांसद रामहरि खतिवडाले जानकारी दिनुभयो । सरकारले संसदमा संकल्प प्रस्ताव पेश गरेलगत्तै हिजोबाट सुरु भएको कांग्रेस संसदीय दलको बैठक सभासदहरुले बोल्ने क्रम नसकिएपछि भोलि बस्ने गरी स्थगित भएको छ ।
