काठमाडौं, २४ वैशाख ।
सरकारी अस्पतालमा भूकम्पका घाइतेको चाप भएकाले मेजर अपरेशन नगरेकाहरुलाई जिल्ला पठाउने तयारी गरिएको छ ।
जिल्ला जिल्लामा फिल्ड अस्पताल बनाईएकाले मेजर अपरेशन नगरेकालाई फिल्ड अस्पतालमा नै फलोअप गर्ने गरी सिफ्ट गर्न लागेको स्वास्थ्य मन्त्रालयले जनाएको छ ।
भूकम्पपछि देशभर २० वटा फिल्ड अस्पताल बनाईएको छ । तर घाइतेलाई जिल्लामा नै उपचारको व्यवस्था मिलाउन भने केहि समय लाग्ने मन्त्रालयले जनाएको छ ।
टिचिङ, वीर, पाटनलगायतका अस्पतालमा घाइते बढ्न थालेपछि सरकारले गम्भीर घाइते नभएकालाई जिल्ला पठाउने गृहकार्य थालेको हो ।
यस्तै भूम्कपमा परी घाइते भएकाको उपचार खर्च सरकारले व्यहोर्न बताए पनि धेरैजसो घाइतेले शुल्क तिरेरै उपचार गरिरहेका छन् । देशकै पुरानो र जेठो वीर अस्पताल र प्रसुति गृहमा भूकम्पले क्षती पु¥याएपछि विरामी मारमा परेका छन् ।
वीरले नयाँ विरामी भर्ना लिन छोडेको छ भने प्रसुति गृहले भूईंमा र बाहिर चौरमा नै राखेर सुत्केरीको उपचार गरिरहेको छ ।
