पोखरा, १ बैशाख ।
नेपाली नयाँ वर्ष २०७२ लाई पोखरामा चहलपहल बढेको छ । नयाँ बर्षको उपलक्ष्यमा पोखराको वसुन्धरा पार्कमा १२औं फेवा नव वर्ष महोत्सव २०७२ जारी रहेको छ ।
२९ गते देखि जारी मेला भोलिसम्म चल्ने छ । राती १२ बजे पोखराको लेकसाइडमा जम्मा भएका दर्शकहरुले एक साथ हेप्पी न्यु इयर भन्दै नयाँ बर्ष लाई स्वागत गरेका थिए भने विभिन्न साँस्कृतिक कार्यक्रमको पनि आयोजना गरिएको थियो ।
नयाँ बर्षलार्ई धुमधामका साथ स्वागत गरिएको छ । पोखराको नयाँ बजारमा पनि नयाँ बर्षको अबसरमा कन्सर्ट आयेजना गरिएको थियो भने पोखराका ठुला रिसोर्ट तथा होटलहरुले पनि विभिन्न कार्यक्रमको आयोजना गरेका थिए ।
यस्तै पोखराको समावेशी टोलले पनि नयाँ बर्ष विशेष कार्यक्रमको आयोजना गरेर नयाँ बर्षलाई स्वागत गरेको छ ।
यस्तै आज विभिन्न संघ सस्थाले शुभकामना आदान प्रदान कार्यक्रमको आयोजना गरिएको विभन्नि संघसंस्थाले जनाएका छन् ।
