१० असोज, २०८३ (२६ सेप्टेम्बर, २०२६)
काठमाडौँ। भोटेकोशीमा आएको भीषण बाढीपछि हालसम्म ५ हजार २८५ जना नागरिक अझै सम्पर्कविहीन रहेका छन्। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बाढीका कारण हालसम्म १ हजार ४५१ जनाको शव फेला परेको छ भने उपचारका क्रममा थप २ जनाको मृत्यु भएपछि मृतकको कुल सङ्ख्या १,४५३ पुगेको छ।
बाढी प्रभावित क्षेत्रबाट हालसम्म १३ हजार ७९५ जनाको सकुशल उद्धार गरिएको छ। उद्धार गरिएकामध्ये नुवाकोटमा १८७, रसुवामा ८०५ र धादिङमा १२१ जना गरी १,११३ जनालाई विभिन्न २१ वटा होल्डिङ सेन्टरमा आश्रय दिइएको छ।
यसैबिच, बेपत्ताहरूको पहिचानका लागि हालसम्म २ हजार ६० जनाको डीएनए नमुना सङ्कलन गरिएको छ। बाढीमा परी घाइते भएका ७ जनाको विभिन्न अस्पतालमा उपचार जारी छ भने सुरक्षा निकायमार्फत हालसम्म १० हजार ९८८ जनाले आपत्कालीन स्वास्थ्य उपचार सेवा प्राप्त गरिसकेका छन्।
