काठमाडौँ। संयुक्त राष्ट्रसङ्घको ८१औँ महासभामा सहभागी हुन परराष्ट्रमन्त्री शिशिर खनाल आइतबार साँझ अमेरिका प्रस्थान गरेका छन्। नेपाली उच्चस्तरीय प्रतिनिधिमण्डलको नेतृत्व गर्दै प्रधानमन्त्री बालेन्द्र (बालेन) शाह भने असोज ६ (मंगलबार/सेप्टेम्बर २२) मा अमेरिका जाने कार्यक्रम छ।
परराष्ट्रमन्त्री खनालले महासभाका उच्चस्तरीय सत्र, विभिन्न साइड इभेन्ट, मन्त्रीस्तरीय बैठक तथा आफ्ना समकक्षीहरूसँग द्विपक्षीय भेटवार्ता गर्नेछन्। प्रधानमन्त्री शाहले असोज ८ (सेप्टेम्बर २४) मा राष्ट्रसङ्घ महासभालाई सम्बोधन गर्नेछन्। नेपाली प्रतिनिधिमण्डलमा प्रधानमन्त्रीका प्रमुख सल्लाहकार कुमार ब्यान्जनकार, परराष्ट्र सचिव अमृतबहादुर राईसहित १४ जना अधिकारीहरू सहभागी छन्।
न्युयोर्क बसाइका क्रममा प्रधानमन्त्री शाहले राष्ट्रसङ्घका महासचिव एन्टोनियो गुटेरेससँग विशेष द्विपक्षीय भेटवार्ता गर्ने कार्यक्रम तय भएको छ। सम्बोधन र उच्चस्तरीय भेटवार्तापछि प्रधानमन्त्री शाह असोज १० (सेप्टेम्बर २६) मा र परराष्ट्रमन्त्री खनाल असोज १३ (सेप्टेम्बर २९) मा स्वदेश फर्किनेछन्।
