काठमाडौँ । चिनियाँ कम्युनिस्ट पार्टी (सीपीसी) को राजनीतिक ब्यूरो बैठकले केरुङ (ग्यिरोङ) क्षेत्रमा गएको विनाशकारी पहिरो र बाढीबाट प्रभावित नेपाली क्षेत्रमा आपत्कालीन सहायता उपलब्ध गराउने तथा अन्तर्राष्ट्रिय उद्धार सहकार्य अघि बढाउने निर्णय गरेको छ।
चिनियाँ राष्ट्रपति सी चिनफिङको अध्यक्षतामा बसेको बैठकले तिब्बतको सीमावर्ती क्षेत्रमा भएको विपत्तिपछिको उद्धार तथा राहत कार्यबारे छलफल गर्दै नेपाललाई पनि आवश्यक सहयोग पुर्याउने निर्णय गरेको हो।
बैठकको सुरुआतमा राष्ट्रपति सीसहितका नेताहरूले बुधबार सीमा क्षेत्रमा गएको विपत्तिमा परी ज्यान गुमाएकाहरूप्रति श्रद्धाञ्जली अर्पण गर्दै एक मिनेट मौनधारण गरेका थिए।भिरालो भौगोलिक बनावट, बदलिँदो मौसम र हिमतालका कारण अत्यधिक चुनौतीका बाबजुद उद्धार कार्य तीव्रताका साथ अघि बढाइएको चीनले जनाएको छ।
बैठकले बेपत्ता भएका सबै चिनियाँ तथा विदेशी नागरिकको खोजी एवं उद्धारका लागि वैज्ञानिक योजना बनाएर प्रभावकारी समन्वयका साथ अघि बढ्न सबै निकायलाई निर्देशन दिएको छ।
