पोखरा ।  पोखरा महानगरपालिका–५ मालेपाटन नजिकै बुलौंदी खोला छेउमा ट्रकबाट धमाधम ढुवानी भ्यानमा खाना पकाउने ग्यास सारिँदै गर्दा स्थानीय उपभोक्ताले घेराउ गरे। बजारमा सिलिन्डर नपाएर छटपटिएका सर्वसाधारणले खाली सिलिन्डर बोकेरै अवरोध गर्ने चेतावनी दिएपछि चालक साट्न बाध्य भए।
पोखरामा खाना पकाउने ग्यासको चरम अभाव भएको एक साताभन्दा बढी भइसकेको छ। नेपाल आयल निगमले पर्याप्त ग्यास आयात भइरहेको विज्ञप्ति निकालिरहे पनि पोखराका सडक र डिलर अगाडि सर्वसाधारणको लम्बेतान लाइन भने हट्न सकेको छैन।

अनुगमनमा भेटियो बदमासी: कुटानी-पिसानी मिलमा ग्यास 

पोखरामा दैनिक हजारौँ सिलिन्डर ग्यास भित्रिँदा पनि सर्वसाधारणले नपाउनुको पछाडि व्यवसायी र सप्लायर्सहरूको कालाबाजारी तथा बदमासी रहेको फेला परेको छ।
कास्कीका सहायक प्रमुख जिल्ला अधिकारी (सहायक सीडीओ) चित्रांग बरालका अनुसार शुक्रबारयता पोखरामा ७-८ हजार र बिहीबार मात्रै थप ६ हजार सिलिन्डर ग्यास भित्रिएको छ। तर अनुगमनका क्रममा व्यापक अनियमितता र ग्यास लुकाइएको भेटिएको छ ।

मालेपाटनस्थित हिरन सप्लायर्स: उपभोक्तालाई ‘ग्यास सकियो’ भनेर फर्काइएपछी अनुगमन गर्दा नजिकैको कुटानी-पिसानी मिलभित्र २६ सिलिन्डर ग्यास लुकाएर राखिएको भेटिएको बताइएको छ ।

सिर्जनाचोकको चेरिस्मा इम्पोरियममा एकैदिन ३२४ सिलिन्डर ग्यास प्राप्त गरे पनि वितरण पारदर्शी नभएको पनि अनुगमनमा देखिएको बताइएको छ .  डिहिकोपाटनको डिएनआर ट्रेडर्सले पनि प्राप्त ३०० सिलिन्डरमध्ये १०० सिलिन्डर ग्यास कहाँ कसलाई बाँडियो भन्ने कुनै विवरण नै अनुगमन टोलीलाई उपलब्ध गराउन सकेन ।

सामान्य नागरिक लाइनमा, पहुँचवाला र होटललाई स्टक

 अब दिनहुँ साँझ ग्यास वितरणको विवरण सार्वजनिक गरिने

करदाता प्रोत्साहन कार्यक्रमः शुक्रबार उपहार घोषणा गरिने

गुमुखोला भ्याकुरे हाइड्रोपावरद्वारा आईपीओ निष्कासन तयारी

कृषि बीमा अनुदानमा ‘लुपहोल’ रोक्ने प्रयास, मन्त्रिपरिषद् पुग्यो नयाँ कार्यविधि

पूर्वाधार क्षेत्रमा श्रमिक अभाव हटाउन सरकार र निर्माण व्यवसायीको संयुक्त कम्पनी बन्ने: ७०% निजी र ३०% सरकारी शेयर रहने

कांग्रेस विवादमा पुनरवलोनको अनुमति दिँदा सर्वोच्चले भन्यो– देउवा पक्षले सुनुवाइको मौका पाएको देखिएन

‘सैन्यीकरण’ शब्दलाई लिएर राज्य व्यवस्था समितिमा अमरेश र रमेश प्रसाईंबीच भनाभन, मधेशबाट सशस्त्र प्रहरी फिर्ता गर्न माग